Assam: NIOS exam-a thil dik lo thleng vangin mi 7 man

Assam-a Tinsukia district-a National Institute of Open Schooling (NIOS) exam buatsaiha thil dik lo thleng nia sawiah mi pasarih man an ni a, an zingah hian sikul principal pawh a tel tih police-te chuan kar liam ta Zirtawpni khan an sawi. District-a centre hrang hranga NIOS exam-a inlante chu hlawhtlinna an neih theihnan Rs 15,000 leh Rs 25,000 chawitir an ni. Candidate-te chuan pawisa an pek hnuah exam-naah an entawn phalsak an ni dawn tih tiam an ni tih police-te chuan an sawi. Hemi chungchangah hian Sadar police station officer-in-charge Purunjay Bora kaihhruai team chuan, Ningani khan Bhawati Bhagwan DV Shiksha Niketan-a exam buatsaih a nih laiin endikna an nei a, hetah hian thil dik lo a thleng tih an hmuchhuak a ni. He thilah hian sikul principal, Raghav Prasad Rai bakah mi dang paruk man an ni.