Sikkim: Kum 4 hnuah Green Lake Trek hawng

Sikkim-a high-altitude adventure tourism sector hmasawnna kawng khat atan, kum li chhung khar tawh Green Lake Trek hawn leh a ni. Trek hi Lachen Dzumsa leh Khangri Tours, Treks and Expedition-te puihnain official-a hawn a ni. Russian trekker pasarih awmna team chu hawn a nih hnua he trek-a kal hmasa ber an ni.

Team hi group leader Andrei Fedorovich chuan a kaihruai a, Khangri Tours, Treks and Expedition managing director, Tshring Dorjee Lachungpa chuan team-te chu hlawhtling taka expedition an zawh avangin a lawmpui thu a sawi a, trekker-te leh support crew-te chu an inpekna, thawh hona leh thawhrimna avangin a fak bawk.

Green Lake trek hawn a ni leh hian Sikkim-a high-altitude trekking route-ten ngaihven an hlawh chhunzawm beisei a ni a, international adventure tourism tan pawh hun remchang a siamsak dawn a ni. Green Lake Trek hi helai biala trekking route langsar zingah a tel a ni.

Green Lake hi meter 5,050 a sanga awm niin, a awmna hmun hi Mount Kanchenjunga lawn tumte tana base camp a ni nghal bawk.