Assam: Motor insua thi chhungte hnenah Rs nuai 9 pe dawn

Assam-a Kaziranga National Park bula Zirtawpni liam taa minibus leh container truck insu a thi, mi 26 chhungte hnenah zangnadawmna Rs nuai 9 ṭheuh pek an ni dawn tih chief minister Himanta Biswa Sarma chuan a sawi. Heng sumte hi Chief Minister's Relief Fund aṭangin Rs nuai 5, State Disaster Management Authority aṭangin Rs nuai 2 pek an nih dawn bakah, prime minister Narendra Modi-a'n Rs nuai 2 a pe dawn tih an puang.

CM Sarma chuan chetsualna thleng chungchangah minibus driver hian taksa hriselna lamah harsatna a nei niin Inrinni khan a sawi. Hliam tuar 17-te chu Jorhat Medical College and Hospital-ah enkawl an ni a, ṭhenkhat chu an dinhmun a ṭha lo hle niin doctor-ten an sawi. Chief Minister chu he chetsualna hmunah hian kalin, truck dashcam footage aṭanga a landanin, thi zinga minibus driver hian chetsual an tawh hmain lungphuchawl emaw, stroke emaw a neih rin a nih thu a sawi. Driver ruang hi post-mortem ni ang.

Chief Minister chuan police-te leh thuneitute chu lirthei chetsualna laka himna tur awareness kalpui turin a hriattir a, mipui him zawkna atan traffic dan khauh zawka kalpui a ni dawn tih a sawi bawk. He chetsualnaa minibus-a chuangte hi college zirlai an ni tih police-ten an sawi. Minibus hian Golaghat aṭanga Nagoan a pan laiin container truck nen an insu a ni.