Manipur journalist pahnih UAPA hnuaiah thubuai siamsak
Manipur police-te chuan Imphal-a journalist pahnih manin, article an tihchhuah chungchangah Unlawful Activities Prevention Act (UAPA) hnuaiah thubuai an siamsak.
Journalist mante hi Frontier Manipur editor-in-chief Sadokpam Dhiren leh executive editor Paojel Chaoba-te an ni. UAPA Section 39 (supporting terror organisation) bakah IPC section 120B(criminal conspiracy), 505 (b) (causing alarm to induce offence against state) leh 34 (common intention) hnuaiah thubuai siamsak an ni bawk.
Police-te chuan Frontier Manipur hian kumin January 8 khan online portal-ah M Joy Luwang article ziah, 'Revolutionary journey in a mess' tih chu tihchhuah a ni tih sawiin, he article-ah hian state chhunga helpawl hrang hrang chet ṭhin thlawpna lam hawi tarlangin, tun hnaia Manipur-a armed revolution dinhmun tlahniam ta leh, pawi a tih thute a ziak niin an sawi. He article hian mipuite chu sorkar laipui leh state sorkar haw turin a fuih a ni, an ti.