Covid-19 vaccine leina turin Assam sorkarin mipui sum thawh hman tum

Assam sorkar chuan mipuite nawlpuite Covid-19 vaccine hman tur leina atan mipui sum tawhkhawm, cheng vaibelchhe 100 chu hman a tum. 

Health minister Himanta Biswa Sarma chuan sorkar laipui chuan a thawh khatna atana vaccine pek tur, state chhunga health worker leh frontline worker mi nuai 2.9 te vaccine man chu a tumsak dawn tih a sawi. Hei bakah hian a thawh hnihna, kum 50 chunglam leh natna benvawn neite vaccine man tur pawh sorkar laipui hian a tum dawn bawk a, a bak erawh chu a tumsak zel dawn leh dawn loh sawichian a la ni lo. Hei vang hian Assam chuan vaccine pek thawh thumna aṭanga sorkar laipuiin a tumsak theih tawh dawn loh chuan, mipuite sum thawhkhawm hi vaccine man atan hman a tum tih minister chuan a sawi a ni. 

Minister chuan state mipuite hian hripui dona kawnga sorkar puihna turin state mipuite chuan a hmain Assam Arogya Nidhi tan sum an lo thawh tawh tih a sawi a, he an sum tawh hi vaccine leina atan hman a dawn a ni, a ti.