RIMS-ah sports medicine course zir theih dawn

Imphal-a  Regional Institute of Medical Sciences (RIMS)-ah post-graduate (PG) level-ah sports medicine course telh a ni tawh dawn. 

RIMS director Prof A Santa Singh chuan hemi chungchang hi sawiin, "Sports medicine zir theih turin Medical Council of India (MCI) chuan phalna  min pe tawh a ni," a ti. Ram chhunga medical institute zingah RIMS hi PG level-a sports medicine zir theihna tur tlemte zingah a tel thei dawn ta a, hei hi Manipur tan chauh ni lo, hmarchhak pum tan pawha thil ṭangkai tak tur a nih thu a sawi. 

Kum 2019 kha RIMS-ah hian doctorate of medicine (MD) course-ah nephology neih ṭan niin, khum 10 awmna dialysis centre siam a ni a, he centre aṭang hian damlo rethei zualte chu a thlawna enkawl ṭhin an ni. RIMS hi kum 1972-a din niin, doctor 3,454, specialist 1,842, clinical psychologist 61, bachelor of dental surgery (BDS) 115 bakah BSC nursing 193 in an zir chhuak tawh a ni.