
Meghalaya: Civil Defense training nei mek
Meghalaya-a Civil Defense Master Trainer-te tan ni thum awh tur training programme chu Headquarters 101 Area kaihhruaina hnuaiah, 58 Gorkha Training Center (58 GTC)-ah neih mek a ni. Training hi Directorate General of Fire Services, Civil Defence & Home Guards (DGFSCDHG), Ministry of Home Affairs leh Indian Army ṭangkawpin an buatsaihna hmasa ber a ni.
Training-ah hian Indian Army-te chu Civil Defense volunteer network nena thawh ho dan; venhimna lama harsatna awm thei, hmelmate dinhmun leh buaina chhuak laka inbuatsaihna tihchak dante zir a ni. Intensive capsule-ah orientation lecture, hmanraw hman dan zir, tabletop exercise leh hands-on practical drill-te an nei dawn bawk. Hei bakah threat awareness pawh zir telin, modern leh hybrid warfare zirchianna, drone leh Unmanned Aerial Systems zirna bakah, drone hmanga inbeihna hmachhawn dan, thil rinhlelhawm laka drone reporting protocol, leh air-raid bakah aerial hmanga inbeihna hmachhawn tura inbuatsaih dante an zir bawk ang.
Venhimna leh chhiatna thleng hmachhawn dan, infrastructure leh kangmei laka invenna, Chemical, Biological, Radiological and Nuclear (CBRN) leh chenna boruak tichhe thei laka inzirtirna, building chima tangte zawn, chhan chhuah leh emergency engineering lam zirtirna, indona hmuna hliam tuar enkawldan inzirtirna leh, mi tam tak hliam tuarte puihbawm dan zir a ni bawk dawn a ni. Training-ah hian inbiakpawhna leh thawh hona ṭha neih dan pawh zir telin, network chhiat laia inbiakpawh dan tur leh, civil defense volunteer-te tana digital lam zirtirna, civil mite leh sipai inkara thawh honate pawh a tel dawn a ni.