Tripura: Khuh damdawi Rs nuai 30 hu man

Tripura-a Urban Local Body (ULB) inthlan neih hmaa ruihhlo do beihpui thlaknaah, police-te chuan codeine phosphate hmanga siam khuh damdawi, (cough syrup) carton pariat an man a,an damdawi man hi Rs nuai 30 man hu vel nia sawi a ni. Heng khuh damdawite hi Thawhlehni tlai lam khan Moharajganj police station huam chhunga lirthei pakhatah man a ni, lirtheia chuang mi pathum pawh man an ni.

Police official-te chuan inthlan tur denchhenin state pumah venhimna beihpui thlak chhunzawm zel a nih thu an sawi. East Agartala police station-a officer-in-charge, Krishnadhan Sarkar chuan police motor a hmuh avanga tlanchhiat tum lirthei pakhat chu rinhlelh thil thu ah police officer-ten an umzui tih sawiin, Jogendramura Road-a Soni Temple bulah an nangching tih a sawi. Lirthei an dapnaah carton pariata dah khuh damdawi an man ta a ni.

Damdawi an manna hmunah hian Executive Magistrate leh Drug Inspector chu koh an ni a, independent witness an awm bawk. Police official-te chuan khuh damdawi an mante chu dan phal loh category-ah a tel thu sawiin, Narcotic Drugs and Psychotropic Substances (NDPS) Act hnuaiah thubuai ziah luh a ni. Heng khuh damdawite hi khawi lama panpui tum nge an nih tih leh, inhnamhnawih dang an awm leh awm loh chhuizui mek a ni bawk.