
Manipur: CM-in DMUNIFEST khuh hawng
Manipur chief minister Yumnam Khemchand Singh chuan Thawhlehni khan, Dhanamanjuri University (DMU)-a 2nd DMU Inter-College Youth Festival (DMUNIFEST) 2026 a hawng. Event hi Imphal-a DM College of Science Central Hall-ah buatsaih a ni. He hunah hian CM Singh chuan zirlaiten stipend tipung tura an phutna chungchangah hma lak a tiam a, draft proposal siam a nih tawh thu leh Cabinet-ah thlen thuai a nih tur thu a sawi.
DMU vice-chancellor prof W Chandbabu Singh chuan, festival chu kum thum hman a nih loh hnuah buatsaih leh a ni tih a sawi. Festival hi zirlaiten thiam thil an neihte pholanna hun remchang a ni a, an theihna pholang turin inelna leh activity hrang hrang buatsaih a ni.
He huna thu a sawiah, Chief Minister chuan, DMU zirlaite chu stipend tihpun an phut tih lohah, tualchhung buaina chhuak meka lungawi lohna lantirtute zinga an tel loh avangin lawmthu a hrilh. Zirlaite leh zirtirtuten inzawmna ṭha an neih a pawimawh thu leh, classroom piah lamah inrintawkna, inhmangaihna leh inzah tawnna neih a pawimawh tih a sawi.