
December-ah Assam-Arunachal ramri survey zo fel dawn
Assam-a Tinsukia district-a Assam-Arunachal Pradesh ramri enfiah leh teh hna chu kumin December 25-ah zawh hman tum a ni a, nakkum January 31-ah ramri lungphum phun tum a ni. Hemi chungchang hi nimin Zirtawpni khan, Namsai-a Golden Pagoda-a meeting neihah sawi ho a ni a, hei hi Survey of India (SoI)-in survey nei tura rawtna a siam bawhzuina a ni.