Manipur-ah zirtirtu- ten nawrh huaihawt

Manipur-a sorkar school-a zirtirtute chuan Inrinni aṭang khan Revi­sion of Pay (RoP), 2019 siamṭhat phutin tiam chin awm loa nawrh huaihawt an ṭan. 

Joint Teachers' Forum (JTF) hmingin nawrh hi huaihawt a ni a, zirtirtute chuan sorkarin an thil phut hi a ngaihven sak loh chuan kumina Class X leh Class XII exa­mination neih tur pawh boycott-ah an vau. 

Zirtirtute hi Inrinni hian school kal tho mah se class an la lo a, HSCL leh HSSLC candidate-te tana coaching an buatsaih pawh an ṭhulh bawk. 

January thla khan zirtirtute hian RoP siamṭha turin sorkar hi January 31 thleng hun a pe a ni.  "Manipur sorkarin kum 2019, July 11-a Manipur Services (Revision Pay) Rules, 2019 a pass-ah, zirtirtute pay structure chu 5th Pay Commission-ah dah thlak a ni," an ti. Hei hi duh loin, 7th Pay Commission hman an phut tih an sawi.