Meghalaya: Lungalhthei khura tangte chhanchhuah hna kalpui zel

National Disaster Response Force (NDRF) leh Odisha Fire Service-te chuan Meghalaya-a East Jaintia Hills-a Ksan thingtlang khuaa lungalhthei khura tang te chhan­chhuah hna chu an la thawh chhunzawm zel a, khur aṭanga tui pump chhuah hna pawh ngawrh taka kalpui a ni. 

Rescue Operation thupuangtu R Susngi chuan Odisha firemen-te chuan tui lakchhuah hna an la thawh zel thu sawiin, lungalhthei khura tang mek mi 15 te chhanchhuah an nih theihna turin theihtawp an chhuah tih a sawi. 

Lungalhthei khurah hian De­cember 14 aṭang tawh khan miner 15-te hi an tang a, an damchhuah rin ni tawh lo mah se chhanchhuah tum hian beih mek zel a la ni.