Hmarchhakin phatsanna lian ber a tawng : Mukul Sangma

Meghalaya Chief Minister hlui Dr. Mukul Sangma chuan Bharatiya Janata Party (BJP) leh a kaihhruai sorkar-in Lok Sabha-a Citizenship (Amendment) Bill, 2016 a pass ta mai chu hriatthiam harsa a tih thu sawiin, "Hmarchhak mipui­te phatsanna lian ber a ni," a ti.

Mukul Sangma chuan Citi­zenship Bill pawm chu hmarchhak mai bakah rampum phatsanna a ni tih sawiin, mipuite tana pawm theih loh angenda chu kalpui a ṭul em ni? tiin zawtna a siam bawk.

Sangma chuan sorkar chuan he thil hi a pawimawh zia a hriat a ṭul tih sawiin, an chhehvela hruaitu hrang hrang, community hruaitu, social leh civil society-te chuan an remti tur a ni lo, tiin a sawi bawk.    

Assam Chief Minister Sarba­nanda Sonowal chungchang pawh sawiin, "Sonowal-a hian Assam mipuite duhdan ka humhim ang, tiin sawi mah se engtin nge a humhim tawh ang"? tiin zawhna a siam bawk. Mipuite aiawha dingte kha khawnge an awm tak? tia zawhna siam bawkin, duhamna leh thuneih duhna avangin engkim an kalsan niin a sawi bawk.

Mukul Sangma chuan rah ṭha lo tak a chhuah ngei dawn tih sawiin, buaina leh tharum thawhna a chhuah phah thei a ni, a ti.