Meghalaya HC chief justice thar lalut

Meghalaya High Court chief justice thar atan Justice Mohammed Rafiq chu Nilaini khan rinawmna thu tiamtira lakluh a ni. Governor Tathagata Roy chuan Raj Bhavan-ah chief justice thar hi rinawmna thu a tiamtir a ni. 

Justice Mohammed Rafiq hi Megha­laya High Court chief justice atana ruat a nih hmain Rajasthan High Court-ah senior judge a ni. Meghalaya HC chief justice Ajay Kumar chu Madhya Pradesh High Court chief justice atana ruat a nih hnuah a thlak turin dah a ni ta a ni. 

Chief justice thar lakluh inkawmah hian chief minister Conrad Sangma leh a council of minister te, Meghalaya High court judge justice Hamarsan Singh Thangkhiew, chief secretary PS Thangkhiew leh sorkar official eng emaw zat an tel. Churu, Rajasthan-a piang Rafiq hi Indian constitution, service, land acqui­sition, tax leh company law case-a expert nia sawi a ni. Kum 1999-2008 chhugin advocate a ni a, kum 2008-ah Rajasthan High Court judge atan ruat a ni. Rajasthan High Court-ah hian ṭum hnih acting chief justice a lo ni tawh bawk.