SCATE project kalpuina turah Nagaland leh Assam tel
Sorkar laipuiin Scaling up Agricultural Technologies for Smallholder Farmers (SCATE) project kalpuina tur state panga a thlanchhuah zingah, hmarchhak state pahnih Assam leh Nagaland an tel. State dang pathumte thlan telte chu Chhattisgarh, Odisha leh Jharkhand te an ni.
He project kalpuina tur hi poverty level san dan te, farm power level hniam dan leh technology level hniam dan behchhana thlan an ni. Heng state panga-a district 31-ah project hi kalpui a ni dawn. Nagaland-ah chuan Mon, Longleng, Zunheboto, Wokha, Kiphire, Phek, Mokokchung leh Kohima-ahte kalpui a ni ang.
Project thawhna tur senso atan hian US dollar maktaduai 124.27 ruahman a ni a, hei hi International Fund for Agricutlruqal Development (IFAD) in a tum dawn a, Indian Council of Agricultural Research (ICAR) kaltlangin pek a ni ang. Project hi 2019-20 aṭangin 2025-26 thleng thawh tur a ni.