ANSF-in Nagaland Governor hmu

Arunachal Naga Students' Fede­ration (ANSF) aiawhte chuan Ningani khan Nagaland Governor, Indo-Naga peace talk neih meka sorkar laipui aiawhtu RN Ravi chu Kohima-a Raj Bhawan-ah an hmu.

ANSF chuan Nagaland Governor hi Trirap, Changlang leh Longding huam, TLC bial tana autonomous council siam chungchang an zawtfiah a ni. RN Ravi chuan ANSF palaite hnenah hian Arunachal Pradesh thuneihna hnuaiah TCL region tana  Regional Autonomous Territorial Council kalpui a nih mek dante a lo hrilh. Autonomous council member-te chu TCL rorelna hnuaia thlan an ni dawn a, midang inrawlh an remti dawn lo ti a sawi bawk. 

Hei hi TCL bial hmasawnna leh boruak muanawm a awm theihna tura tih a nih thu a sawi.