Ruihhlo zawrh kaihhnawihah Manipur police pali suspend

Manipur border town, Moreh khuaah kar liam ta khan ruihhlo tam tham tak man a ni a, he ruihhlo man kaihhnawihah hian Inrinni khan Manipur police pali chu suspend an ni. 

Moreh khuaa in pakhat aṭanga ruihhlo an man hi ketamine injection P, Ketamax 50 a ni a, bawm 34 zet man a ni. Hemi chungchang chhui chiannaah, police palite hi ruihhlo zawrh chungchangah hian inhnamhnawihna an nei tih hriatchhuah a ni a, hei vang hian supsend an ni zui ta a ni. 

Police suspend-te hi  inspec­tor L Vaiphei, officer in charge of Moreh police station, assistant sub-inspector P Haokip, head constable Md Khalilup, leh driver L Kom te an ni.