Assam CM-in Science City lungphum phum

Assam chief minister Sarbananda Sonowal chuan Thawhṭanni khan Sonapur, Guwahati-ah Science City dinna tur lungphum a phum. 

Science City dinna tur hian  National Council for Science Museums, Kolkata thawhpui a ni dawn a, architectural design pawh zawhfel vek a ni tawh. Assam Science Technology and Environment Council chuan he scheme hi kum 2012-13 aṭang khan sorkar laipuia ministry of culture leh Assam sorkara science & technology department nen an lo kalpui ṭan tawh tih sawiin, a senso hi sorkar laipuiin 90% a tumsak dawn tih a sawi. 

Science City siamna atan hian kum 2014 khan Kamrup (M) DC chuan Najirakhat, Sonapur bula ram, bigha 250-a zau chu a lo pe tawh a ni. Convention Centre, Space Odyssey, Science Park leh Science Discovery complex siam a ni ang.