Meghalaya: Lungalhthei khur chungchangah CM in high-level review meeting ko
Meghalaya Chief Minister, Conrad K Sangma chuan Ningani khan Jaintia Hills-a lungalhthei khura tangte chhanchhuah hna thawh mek chungchangah high-level review meeting a ko.
Review meeting-ah hian Chief Secretary, Y Tsering bakah Indian Navy, NDRF, Kirloskar Ltd Coal India official-te leh East Jaintia Hills district thuneitute an tel.
Chief Minister chuan Kirloskar, Coal India leh Odisha Fire service-te chuan tui an pump chhuah reng thu sawiin tui litre vaibelchhe khat vek zet chu an pump chhuak tawh tih a sawi. Darkar reilote chhungin tui litre nuai 20 vel pum chhuak thei mah se tui level chu inches thum chiahin a hniam niin a sawi bawk.
CM Sangma chuan hna hautak tak a nih thu sawiin khura tangte chhuanchhuah hna erawh an theihtawpa an thawh zel dawn thu a sawi a, Indian Navy-te pawhin hnathawh harsa an tih thu a sawi a ni.
CM chuan lungalhthei laihchhuah chu scientific taka kalpui pawh ni se thil awlsam lo tak a nih thu sawiin coal mining chu khuahkhirhna mumal tak nena kalpui chu ni se hetiang chhiatna hi a thleng dawn lo niin a sawi.