AP Dy CM leh Governor inkawm

Arunachal Pradesh deputy chief minister Chowna Mein leh state governor  Brig (Retd) BD Mishra-te chu Pathianni khan Itanagar-a Raj Bhavan-ah an inkawm. 

Dy CM leh Governor hian state tihmasawnna tura programme leh project hrang hrang kalpui mek chungchangte an sawi dun a, hei bakah hian dan leh thupek dinhmun leh, civil supply chungchangte an sawidun bawk. Meeting-ah hian civil supplies minister Kamlung Mossang pawh a tel. 

Governor chuan project hrang hrangte hun bithliaha zawh a pawimawh thu te, hmasawnna hna thawktu department-te tan hnathawk khaihlak lohna tura a hun taka sum pekchhuah a pawimawh thute a sawi. Hemi rual hian hnathawhna tur sumte tihchingpen a nih lohna tura dik taka thiltih a ṭul thu a sawi nghal bawk. 

Tun hnaiah district tlawh kuala zin, Deputy Chief Minister pawhin Governor hnenah hian project hrang hrang hlawhtling taka kalpui a nih dante hrilhin, state leh central sponsored project thawh mek chungchangte a hrilhfiah bawk a ni.