Assam-a NSCN(R) tawmbuk hmuchhuak

Assam Rifles leh Assam Police-ten joint operation an neihnaah, kar liam ta Inrin­ni khan Cachar district-a Ramngaizang khaw bulah NSCN(R) helpawlte tawmbuk an hmuchhuak. 

Security force-te hian NSCN(R) leh ZUF hel pahnih an man a, an tawmna hmun an hmuhchhuah aṭang hian AK-56 rifle pakhat leh silai mu ṭha­hnem tham tak an man tel bawk. Hel an mante hi NSCN-R member SS Second Lieutenant Pougonglong leh ZUF member SS Capt Sagu Rongmai te an ni. An pahnih hian Zelianrong biala mi pawisa chhuh luih, mi rukbo leh pawikhawihna dangah an inhnamhnawih ṭhin nia sawi a ni. An kut aṭang hian NSCR-R leh ZUF nena an inzawmna tarlana document pawimawhte man tel a ni bawk.