Tripura-a CPI(M) worker-te chuanna bus bei

Tripura-a Khayerpur bulah CPI-M activist-te chuanna bus chu BJP mi leh sa nia sawiten beiin lungin an tawng a, CPI-M worker pariatin hliam an tuar. Hliam tuar zingah hian hmeichhia pahnih an tel. 

CPI-M West Tripura district committee secretary, Patriba Kar chuan bus-ah hian party activist 12 an chuang tih a sawi. Pathianni khan Khayerpur-ah party meeting hmangin an kal a, an haw lam chu BJP member-te hian an lo bei tih a sawi. Mahse BJP erawh chuan an puhna hi a pha thung. 

Kar chuan Bodhjungnagar police station-ah FIR an thehluh nghal thu a sawi. Hliam tuarte hi GB Pant damdawi-inah dah an ni thu a sawi bawk. Hospital chuan hliam tuar zinga mi pangate chu an dinhmun a ṭha lo hle tih a sawi.

He pawikhawihna kaihhnawih­ah hian police-ten man an la nei lo a, meeting an neih dawn pawhin police hnen aṭangin phalna an dil lawk vek tih Kar chuan a sawi bawk. BJP member-te chu an state-ah an inluling nasa hle a, CPI-M worker-te chu chhan nei lohin an khawih a ni, a ti. 

Mahse BJP thupuangtu Na­benbu Bhattacharya chuan an puhna hi phain, he thil thlengah hian an party worker-te an inrawlh lo niin a sawi ve thung.