China-in AP bulah khaw pathum din

China chuan Arunachal Pradesh khawthlang lama India, China leh Bhutan inrina bul, Bum La pass aṭanga km 5 lekah hlaah thingtlang khaw pathum a din. 

Khua a dinna bul ramri hi China chuan a ram china a lo chhal fo a, a ram hauh chin tihnghehna atan khua hi a din nia ngaih a ni a, mahse hei hian Bhutan leh India nena ramri chungchanga an buaina a tihbelhchhah phah rin a ni bawk. 

Arunachal Pradesh bula khaw din hi satellite image aṭangin hmuh a ni. Heng thlalakte hi Planet Labs aṭanga neih niin, khaw pakhat hi kumin February thlaa din kha nia hriat a ni a, in 20 chuang a awm. 

November thlaa thlalak tihchhuahah khan khaw dang pawh  hmuh belh niin, in 50 vel a awm tawh. Khua an dinte hi all-weather road hmanga inkalpawh vek an ni.