AP-ah war hero-te lim tlangzarh

Indian Army-in Arunachal Pradesh-a Walong War Memo­rial-a India-China war, 1962-a India tana nunna hlantu, sipai huaisente lim a siam an tlangzarh.

Kar liam ta Zirtawpni  khan Lieutenant General R.P. Kalita, General Officer Commanding Spear Corps chuan heng limte hi a tlangzarh a ni. 

Defence thupuangtu, Lt Col P. Khongsai chuan Arunachal Pradesh khawchhak kil, Walong bialah hian 1962 indo lai khan sipaite inbeihna nasa tak, 'Battle of Walong' tia sawi chu a thleng tih sawiin, he indona hmuna India sipaite huaisen leh inpekna chu hriatreng a ni, a ti. 

War-hero te lim tlangzarh inkhawmah hian kum 1962-a Walong-a indona thlenga tel ngei, kum 79 mi Subedar (honorary captain) KS Takuli (Retired) chu a tel thei a ni. 

Lt Col Khongsai chuan war veteran hnenah hian lawmthu a sawi nghal a ni.