2015-17 chhungin hmarchhakah Mibo report 27,967 a awm

Hmarchhak biala state pariatah kum 2015-17 chhungin chin hriat loha bo mi 27,967 an awm a, an zingah hian hmeichhia leh naupang eng emaw zat an awm. 

Minister of state for  home affairs, G Kishan Reddy chuan Nilaini khan Rajya Sabha inkhawma zawhna a chhannaah hei hi a tarlang a ni.  Kum thum chhung chin hriat loha bo hi Assam-ah tam berin mi 19,344 an tling a, Tripura-ah mi 4,455, Meghalaya-ah 1,385, Manipur-ah 999, Sikkim-ah 974, Arunachal Pradesh-ah 457, Nagaland-ah 343 leh Mizoram-ah mi 10 an awm. 

Assam-ah chuan kum 2015 khan naupang 2,169, hmeichhia 2,613 leh mipa 1,528 bo report a awm a, kum 2016-ah naupang  2,413, hmeichhia 3,439 leh mipa 2,130 bo report thehluh a awm bawk. Kum 2017-ah mibo report lut zat chu naupang 1,651, hmeichhia 2,453 leh mipa 948 a nih thu minister chuan a sawi. 

Tripura-ah  kum 2015 khan mibo report napaung 176, hmeichhia 138 leh mipa 126 an awm. Kum 2016-ah naupang 184, hmeichhia 159 leh mipa 155 bo report an awm a,  2017-ah naupang 155, hmeichhia 933 leh mipa 642 bo report a awm bawk. 

Kum 2015-ah Meghalaya-ah naupang 179, hmeichhia 138 leh mipa 126 bo report a awm a, 2016-ah mibo report hi naupang 184, hmeichhia 159 leh mipa 155 awmin, kum 2017-ah naupang 148, hmeichhia 136 leh mipa 160  bo report a awm. 

Manipur-ah kum 2015 khan naupang 70, hmeichhia 46 leh mipa 52 bo report a awm a, 2016-ah naupang 186, hmeichhia 154 leh mipa 154, kum 2017-ah naupang 97, hmeichhia 131 leh mipa 109 bo report ziahluh a ni. Sikkim-ah kum 2015 khan naupang 119, hmeichhia 77 leh mipa 56 bo report a awm a, 2016-ah naupang 61, hmeichhia 34 leh mipa 13, kum 2017-ah naupang 88, hmeichhia 225 leh mipa 156 bo report an awm bawk. 

Kum 2015-ah Arunachal Pradesh-ah mibo report lut hi naupang 105, hmeichhia 32 leh mipa 18 sa awm a, 2016-ah naupang 61, hmeichhia 34 leh mipa 13 report awmin, 2017-ah naupang 74, hmeichhia 112 leh mipa pariat bo report a lut. 

Nagaland-ah chuan kum 2015 khan naupang 34, hmeichhia 17 leh mipa 11 bo report a awm a, 2016-ah  naupang 77, hmeichhia 20 leh mipa 19 report awmin, 2017-ah naupang 103, hmeichhia 40 leh mipa 22 bo report a awm. 

Mizoram-ah chuan kum 2015 khan naupang pathum, hmeichhia pakhat leh mipa panga bo report a awm a, kum 2016-ah mi bo report a awm lo a, 2017-ah naupang pakhat bo report a awm a ni.