Assam-in New Land Policy tlangzarh

Assam chief minister Sarba­nanda Sonowal chuan Revenue and Disaster Management department buatsaih, Land Policy 2019 chu Ningani khan Dispur-ah a tlangzarh. 

Land Policy hi an siam hnuhnun ber chu kum 1989 kha a ni a, kum 30 hnuah Revenue and Disaster Management Department a buatsaih thar leh a ni. October 21 khan cabinet chuan a lo pawmsak tawh a ni. CM hian Revenue and Di­saster Management Depart­ment-in May 1, 2007 - August 30, 2019 chhunga sorkar circular leh offi­cer memorandum tihchhuahte awmna, Hand Book of Circulars, Volume - V a tlangzarh tel bawk. 

CM chuan state sorkarin Land Policy buatsaihna kawngah hian state leilung fate venhim leh humhalhna tur chu a dah pawimawh hle tih sawiin, he Policy thar hian ram luah leh ram inpek chungchanga buaina awm ṭhinte pawh a chingfel thei dawn a ni, a ti. Revenue and Disaster Management Department  hnenah Hand Book chu an department-a official zawng zawngte pe turin a hrilh bawk a ni.