Sangai Festival atan venhimna tikhauh

November 24-30 chhunga Hatta Kangjeibung, Imphal leh  Keibul Lamjao National Park, Bishnupur district-a Sangai Festival neih tur chu pawl ṭhenkhatin boycott an tum avangin Manipur sorkar chuan festival neihna tur hmunah venhimna a tikhauh. 

Coordination Committee on Manipur Integrity (COCOMI) chuan Naga peace talk chung chang an buaipui mek lai a nih avangin tourism festival neih tur hi a hun lo nia sawiin, an boycott thu an lo puang tawh a ni. Hetih lai hian Manipur sorkar leh festival huaihawttu, Tourism Department erawh chu festival nei tur hian theihtawpin an inbuatsaih mek thung. 

Festival tibuai zawnga che an awm venthawn thilah police-te chuan festival neihna tur hmunte hmun fangin an enfiah reng a ni. Police-te chuan Keibul Lamjao an enfiahnaah rinhlelh thilah mi paruk an man tawh a, Keibul police station-ah hlan an ni. Imphal-ah pawh mi pariat man an ni tawh bawk. 

COCOMI hian sorkar laipui leh Naga helpawl, NSCI-IM-te inremna siam tur chuan Manipur ram chin a khawih tel an duh loh thu sawiin, state chhung hmun hrang hrangah nawrh an lo huaihawt tawh a ni.