Nov 25 aṭangin Diphu Medical College hawng dawn

Diphu Medical College (DMC) chu November 25 aṭangin hawn ṭan a ni dawn tih principal-cum-chief superintendent Dr Sumtira Hagjer chuan a sawi. 

Ningani-a Diphu-a press con­ference a neihah hei hi sawiin, Dr Hagjer chuan DMC-a Out Patient Department (OPD) chu zing dar 8 aṭanga chawhnu dar 2 thleng hawn ṭhin a ni dawn a, emergency service  erawh chu case pawimawh bikah Diphu Civil Hospital (DCH) ah kalpui hrih a ni dawn bawk tih a sawi a ni.  

Hagjer chuan medical college thar a nih avangin service pawh a tahtawla kalpui chhoh a ni dawn tih a sawi, home minister Himanta Biswa Sarma chuan a thawh hmasa ber atan November 25 aṭangin, OPD service hi kalpui turin a hrilh tih a sawi. 

A thawh hnihnaah chuan indoor patient-te chu DCH aṭangin DMC-ah sawn an ni ang a, a thawh hnuhnung berah chuan theatre, laboratory, khawl leh hmanraw dangte chu DMC-ah hian sawn an ni  bawk ang a, college leh hospital angin a function zui tawh dawn a ni, a ti. DCH-a doctor awmte chu DMC-ah hian professor leh assistant professor an ni zui nghal ang.