'Favourite emerging destination in India’-ah Meghalaya thlang

Conde Nast Traveller’s ‘Readers’ Travel Awards’ 2019, New Delhi-a ITC Maurya-a neihah Meghalaya state chu India rama hmun tlawh chakawm, 'Favourite emerging destination in India’ award hlan a ni.

He award hi Meghalaya tou­rism officer Ava Shereen Sangma chuan a dawng a, nikum khan he award hi Meghalaya hian a lo dawng tawh bawk. Sangma chuan Meghalaya chuan tourism lamah theihna sang tak neiin, hmarchhak bial pumah chuan khualzinte tlawh duh hmun tam tak bakah, festival leh culture hrang hrangte a awm a ni, a ti. 

Sangma chuan,"Meghalaya-ah hian Asia rama khaw fai ber Mawlynnong a awm a, khaw­vela ruahtui tlak tamna ber Cherrapunjee a awm bawk. Megha­laya tlang ram hring dup leh tuikhawhthla mawi tak tak awm hmuh tur an awm bawk a, Meghalaya ram mawina hian mi a hip bet tlat a ni," tiin a sawi. Conde Nast Traveller’s ‘Rea­ders’ Travel Awards’ hi travel industry-a chawi­mawina pawimawh taka ngaih a ni.