AP-in sorkar laipui puihna dil

Arunachal Pradesh chief minister Pema Khandu chuan an state chhunga inkalpawhna kawngpui ṭha siamna tur leh, border area tihchangtlunna turin sorkar laipui puihna a dil. 

CM Khandu hian Thawhlehni khan Delhi-ah prime minister Narendra Modi a hmu a, state hmasawnna tura an mamawh hrang hrangte a thlen niin state sorkar thuchhuah chuan a tarlang. Khandu leh Modi hi darkar khat vel an inkawm a, AP-a hydropower, tourism leh agriculture sector tihchangtlunna tura hmalak dan turte an sawidun a ni. CM hian border area hmasawnna hna kalpuina tura sum pe turin PM hi a ngen bawk.