Feb 3 aṭangin Manipur House session ṭan dawn

Manipur Legislative Assembly  session, ni 20 awh tur chu February 3 aṭangin neih a ni dawn. 

Manipur Legislative Assembly-a Business Advisory Committee meeting chuan session neih hun tur hi Thawhṭanni khan a rel a, provisional calendar tihchhuahah session hi February 3-22 chhung neih a nih tur thu leh, hemi chhung hian rorel ṭhukhawm ṭum 13 neih a nih tur thu a tarlang. 

Session ṭan ni, February 3-ah governor Dr Najma Heptulla'n thu a sawi dawn a, member thi te sunna hun hman a ni ang. A tuk, February 4-ah Governor thusawi sawiho a ni leh ang. February 5-ah 2021-2022 budget estimate pharhin, February 6 ah an sawiho leh dawn a ni. 

Session chhung hian department hrang hrang 50 demand-te sawiho a ni bawk ang.