AP-ah PepsiCo plant siam dawn

Arunchal Pradesh chief minister Pema Khandu chuan an state-ah PepsiCo plant siam a ni dawn tih sawiin, hei hi hmarchhak biala a pahnihna tur a ni tih a sawi. 

Hemi chungchang hi a twitter-ah tarlangin Khandu chuan Varun beverages Ltd chairman Ravi Jaipuria  nena meeting an neih thu a sawi a ni. Pepsi plant siam a nih dawn bakah, state chhunga hmun hrang hrangah food craft outlet pawh siam a ni dawn tih a sawi a ni. 

PepsiCO team hian a hmain Assam  industries commerce minister Chandra Mohan Patowary hmuin, PepsiCO India chuan Assam-ah Lays leh Kukrure chips siamna turin cheng vaibelchhe 400 man, greenfield project siamna tur proposal an thehluh thu an lo hrilh tawh bawk. PepsiCo India hi India ram chhunga state 13-ah an inbun tawh a ni.