West Bengal-a Maoist hmunpui aṭangin Nagaland Armed Police lachhuak dawn

Ayodhya hills, Purulia district, West Bengal-a Nagaland Armed Police company paruk dah luhte chu Naga pawl hrang hrang leh sorkar laipuiin remna zawnga inbiakna an neih final stage an thlen tawh avangin lakchhuah an ni dawn.

Sorkar laipui leh Naga pawl hrang hrangte inbiakna an neiha inremna an siam hi a hmawr bawk a nih hunah Nagaland-ah hian buaina lian tham a chhuah thut venthawn thilah, venhimna kalpui turin Nagaland Armed Police-te hi an lachhuak a ni.

Ayodhya Hills hi Maoists hel tamna hmun a ni a, CPI (Maoists) sipai People’s Liberation Guerilla Army (PLGA) member thlanchhuah bik, member 34 awmna platoon-te chettlatna  ani ṭhin. Hemi a nih avang hian Indian Reserve Battalion peng pakhat atan Nagaland Armed Police-te hi 2009 khan dah an ni a, beihpui thlakna eng emaw zatah an tel nghe nghe.

Ministry of Home Affairs chuan West Bengal sorkar hnenah hian Nagaland Armed Police company parukte hi an chhuah phalsak turin thupek a pe tawh a, December kar hnihnaah hi chuan Nagaland lam hi an pan dawn a ni.