AP : NE Youth Festival neih tur atan inbuatsaih

December 10-12-a Tawang, Arunachal Pradesh-a North East Youth Festival vawi sarihna neih tur atan AP sorkar chu a inbuatsaih mek a, Thawhṭanni khan Tawang deputy commissioner hoin preliminary coordination meeting neih a ni. 

North East Youth Festi­val hi Arunachal Pradesh sorkar hnuaia Sports Department leh union ministry of youth affairs & sports in an huaihawt dawn a ni. He festival-ah hian inelna chi hrang hrang buatsaih tel a ni dawn a, inelna neih tur zingah hian  beat  box, rap battle, stand up comedy, pop theatre, graffiti, street art, songs and dances, cook off, photograhpy leh short film-te a tel.