Imphal-ah business session hmang

Indian Chamber of Com­merce leh Manipur sorkar  hnuaia  Department of Textiles, Commerce & Industry buatsaihin Thawhlehni khan Manipur-ah business session, 'Manipur : Gate­way to Asia' tih hmangin neih a ni. 

Session-ah  Health & Family Wel­fare, Horticulture and Soil Conser­vation and Textiles, Commerce and Industry official-ten thu an sawi. All Manipur Entrepreneur Association member leh Shija Hospital and Research Institute Managing Director pawhin thu an sawi. 

Imphal-a business session buat­saih hi ASEAN (Association of Sout­heast Asian Nations) Heads of Mission, Brunei leh Singapore  high commissioner; Cambodia, Indonesia, Malaysia, Myanmar, Thailand leh Lao ambassador-ten an hmanpui bawk. 

ASEAN Heads of Mission chuan Manipur chuan health leh tourism sector lamah theihna sang tak a nei tiin, South Asia ramte tana kalka ber a nih avangin Manipur chuan border trade pawh changtlung zawkin a kalpui thei dawn a ni, a ti. Session-naa telte chuan border trade changtlung zawka kalpui tur chuan inkalpawhna ṭha a pawi­mawh thu an sawi ve bawk a ni.