Assam sorkarin organic market 100 siam dawn

Organic farming lam chawilarna turin Assam sorkar chuan organic product bik zawrhna tur bazar 100 siam a tum. 

Nilaini khan chief minister Sarbananda Sonowal hoin Janata Bhawan-a conference room-ah agriculture department-in meeting an nei a, meeting-ah hian Assam-a organic product zawrhchhuah dan changtlung zawka kalpui a nih theih dante an rel ho a ni. 

Chief Minister Sonowal chuan deputy commissioner (DC) tinte hnenah an district ṭheuhah organic market siamna tur ram ngaihtuah turin a hrilh. Meeting-ah hian thlai chingtuten state pawn lam aṭanga thlai chi an lakluh ngai lo a, an state-in an intodelh theih dan turte an ngaihtuah ho bawk. CM chuan an state-in thlai chi an mamawh zat a san thu sawiin, Assam Seeds Corporation Limited managing director hnenah pawh thlai chi siam zat hi tipung turin a ngen nghal a, thlai chi sawngbawlna hmun ṭha tak siam a ṭul thute a sawi. 

Chief Minister Samagra Gram­mya Unnayan Yojana hnuaia lo­nei­tute hnenah tractor sem a nih dante pawh an thlirho bawk.