MHA-appointed committee-in Assam-a ILP hman rawt

Home ministry din committee chuan Assam-ah state pawn aṭanga lutte venna leh khuahkhirhna turin Inner Line Permit (ILP) system hman a rawt. 

Justice (Retd) Biplab Kumar Sharma kaihhruai, member 13 awmna  committee chuan Assam Assembly-a seat awm zat aṭangin hmun thuma ṭhena hmun hnih chu state leilung fate puala dah leh, leilung fate chhiarnaah 1951 chu cut-off year hman atan leh, an state tan legislative council (Upper House) siam a rawt bawk. 

Report hi kar liam ta khan panel hian an peihfel tawh a, tunkar chhung hian union home minister Amit Shah hnenah an thehlut ang.  

Committee chuan sorkar hna laknaah leilung fate tan 80% dah a rawt a, hei bakah hian Assam mipuite leh tualchhung ṭawngte chawikanna tur rawtna hrang hrang a siam bawk.