Manipur PWD hnenah thingṭiak 20 phun turin ti

Manipur Forest Department chuan Public Works Department (PWD) hnenah, kawng siamna tura thingkung an kih chungchangah, thingkung pakhat tihtluk aiah thingṭiak 20 phun turin a ti. 

Manipur sorkar chuan Chief Minister Green Mission hnuaiah an state-ah thingṭiak phun runpui a nei mek. Hei hi Forest Department hma­lakna hnuaiah kalpui a ni. September 27 khan PWD chuan Imphal-a Johnstone School-a ke-a kalna tur a siamnaah, kawng sira thing­kung puitling pakhat chu titluk a ni. Hei vang hian Forest Department chuan PWD  hnenah, thingkung tihtluk ai hi thingṭiak 20, kawngpui sir hmun remchang laiah phun turin a ti. Thing-

ṭiak phunte chu ṭha taka hung turin a ti bawk. Hei bakah hian PWD chu October 5 hma ngeiin, an thingṭiak phunte chu thlalak nen, report thehlut turin a ti bawk. 

PWD official chuan hemi chungchang hi an ngaihtuah thuai tur thu leh, a ṭul anga hma a lak tur thu a sawi. Manipur-ah hian phalna nei loin non-forest area-a thing kih phal a ni lo.  A thing phun kihsak a nih avanga lungchhe taka a ṭap lai thehdarh avanga lar, hmeichhe naupang kum kaw mi chu thla hma khan CM Green Mission Manipur brand ambassador atan ruat a ni tawh bawk a ni.