Dimapur-ah tiamchin awm loin bandh huaihawt tum

Naga Council hnuaia Public Action Committee (PAC) chuan October zing dar 6 aṭangin Dimapur-ah tiam chin awm loin nawrh an huaihawt dawn tih an sawi. 

PAC chuan District Price Regulation Committee din thar tur leh, thil man bithliah tura an ngenna chu Dimapur district thuneitute chuan an ngaihsak tawk loh tih an sawi. Hei vang hian October 1-a Naga Council, Dimapur hnuaia unit 19 leh pawl dang hrang hrangte resolution an lo siam tawh angin nawrh hi an huaihawt dawn tih an sawi a ni. 

September 20 khan PAC aiawhte chuan an thil phut hrang hrangte hi DC hnenah an hriattir tawh tih sawiin, PAC convenor Vekhosayi Nyekha chuan kar khat chhung ngeia hma la turin an ngen tih a sawi. Bandh huaihawtin mipuite a nghawng dante an hre reng a, mahse an thiltih chhan chu thil pawimawh leh Dimapur mipuite ṭhatna tur a nih avanga kalpui tum a nih thu a sawi bawk.