ILP phutin candlelight rally buatsaih

Meghalaya-a inner line permit (ILP) system hman thuai phutin  'Confederation of Meghalaya Social Organizations' (CoMSO) chuan Ningani zan khan Shillong-a Malki Ground-ah candlelight rally an huaihawt. 

CoMSO hian kumina ILP phuta nawrh an huaihawt lehna hmasa ber a ni. An pawl chairman Robert June Kharjarin chuan ILP an phut chungchang chu nawrh liantham zawk huaihawt hmain union home minister Amit Shah-a'n an state a tlawh hunah an lo sawipui phawt tur thu a sawi.

Meghalaya-ah ILP hman a nih ve thuai theihna turin sorkar leh eptu party-te chu ṭangrual turin a ngen a, sorkar laipui chu na zawka nawr a nih theihna atan all-party meeting pawh buatsaih a ngaih thu Kharjarin chuan a sawi bawk. ILP chu ram leilung fate humhalh leh hmasawnna atana phut an ni tih sawiin, he an thil phut chungchang hi politicise an duh loh thu a sawi bawk.