AP-a sorkar school-ah VSAT dah dawn

Arunachal Pradesh sorkar chuan state chhunga sorkar school thlan bikah online education kalpuina turin Very Small Aperture Terminals (VSAT) dah a tum. 

Official chuan pilot project-ah school 100 chuang thlunzawm theihna tur VSAT 50 hi dah phawt a ni dawn tih a sawi. Chief secretary Naresh Kumar chuan Ningani khan deputy commissioner leh school education-a deputy director-te meeting a neihpui a, sorkar school thlan bikah hian classroom hran bik siam turin a hriattir a ni. VSAT hi February 18 hmaa hman theih an tum a ni. CS chuan VSAT technology hian zirtirtu leh zirlaite tan two-way virtual communication a siam dawn a, hei hian education a tihchangtlun bakah subject bik zirtirtu indaihna hmunah pawh zirlaiten an chhawr ṭangkai thei dawn hle a ni, a ti. 

VSAT hmanga zirna kalpui tur hian VSAT system set up a ngai a, hetah hian learning centre, Hub Earth station, zirtirtu tan studio leh classroom chungah server tur data leh dish antenna te dah tel a ngai dawn a ni. Chief secretery chaun New Education Policy 2020 zulzuiin  state chhunga government primary school 300 chu naupang kum 3-6 inkar tana activity and learning centre atan thlan a ni tawh tih a sawi.