Arunachal Pradesh District pathumah AFSPA pawtsei
Sorkar laipui chuan Thawhlehni khan Arunachal Pradesh-a district pathumah leh Assam ramria police station pali huamchhungah sipai hnena thuneihna sang pekna, Armed Forces (Special Powers) Act thlaruk dang an pawtsei leh.
Ministry of Home Affairs chuan thuchhuah siamin Tirap, Changlang leh Longding district-ah AFSPA, 1958 chu thlaruk chhung atana pawhsei a nih thu tarlangin, Assam rami bula awm police station pali huamchhungah pawh pawhsei a ni bawk tih an tarlang.
AFSPA an pawhseinate hi hmun ralmuang loah an puang tih an tarlang a ni. Heng district leh police station huamchhunga dan leh thupek dinhmun enfiah a nih hnuah sorkar laipui lam hian thutlukna hi an siam a, March 31, 2020 thleng AFSPA pawhsei hian a huam rih phawt ang. Police station-te hi Namsai district-a Namsai leh Mahadevpur-te, Lower Dibang Valley district-a Roing police station leh Lohit district-a Sunpura police station-te a ni.