Sapeltuten Assam police-te bei

Assam-a Golaghat dis­trict-ah sapeltuten hmanraw hriam tak hmangin police-te an bei niin Nilaini khan police officer pakhat chuan a sawi.

He inbeihnaah hian police officer pakhat chu a hliam tih sawiin, hemi kaihhnawihah hian sapeltu pathum chu man an ni tawh bawk. Police-te beihnaa a mawhphurtu ber pawh hi tunge a ni tih hriat a ni tawh tih police-te chuan an sawi a ni.

Kamargaon police sta­tion huamchhunga Lakhou­jan thingtlang khuaah he inbeihna hi a thleng a, Thawh­lehni zan dar 10 vel­ah khan beih hi an tawk tih police-te chuan an sawi. District Additional Su­perintendent of Police, Surjeet Singh Paneswar chuan sapel ṭhin an awm thu report an dawn bawhzuiin beihpui an thlak tih sawiin, hetah hian sapeltu lam hian an lo bei ta a ni.

Police hliam tuar hi Kamargaon police station Officer-in-Charge (OC) a ni a, damdawoi-inah hruai nghal a ni tih DSP chuan sawiin, .303 rifle pakhat an man tih a sawi bawk.