Manipur CM-in Amit Shah hmu

Manipur-a rorellai, Bha­ratiya Janata Party (BJP) chhunga buaina chinfel dan ngaihtuahin, Manipur chief minister N.Biren Singh chuan Nilaini leh nimin zing khan BJP president Amit Shah leh working president JP Nadda-te chu New Delhi-ah a hmu. 

Manipur BJP MLA eng emaw zat chuan chief minister hi thlak duhin an hel a ni. BJP MLA eng emaw zat chuan thla nga kal ta aṭang khan hruaitu thlak hi an lo phut tawh a, hei bakah hian portfolio sem dan chungchangah lungawi lo an awm bawk. An party chhunga buaina awm vang hian MLA eng emaw zat chu New Delh-ah kalin, an party hotute hi an lo hmu tawh bawk. 

Rorellai party chhunga buaina inṭan chhan hi CM Biren Singh-a'n minister Bijwajit Singh kut aṭanga power and public works deparment (PWD) portfolio a laksak aṭanga inṭan a ni. Minister Biswajit Singh hi Rashtriya Swayamsewak Singh (RSS) lamin an thlawp a ni.