Tripura CM-in Dhaka-Agartala direct flight dil

Tripura chief minister Biplab Kumar Deb chuan Ningani zan khan India rama rawn zin mek Bang­ladesh prime minister Sheikh Hasina chu New Delhi-ah hmuin, Dhaka leh Agartala direct flight bul ṭan turin a ngen.

Biplab Kumar Deb hian Sheikh Hasina hi Tripura-a hmasawnna tur kawng hrang hrang a sawipui bawk a, Hasina pawhin a theih anga Deb-a thil phutte chu ngaihtuahpui a tum thu a sawi ve bawk. Government of India waterways leh Sonamura-te chu International Protocol route-a puang turin a ngen bawk. Hei bakah hian Bangladesh aṭanga Tripura-a bungraw lakluh 14-ah chhiah pek tihniam turin a phut bawk a ni. 

Inbiakna an neih zawh hnu hian Tripura CM chuan social media-ah Bangladesh PM nen meeting an nei thei chu lawmawm a tih thu leh, inbiakna hlawhtling tak an neih thu a sawi.