Dimapur-a bandh neih tur ṭhulh

Naga Council, Dimapur-a Public Action Committee (PAC)-in vawiiin aṭanga Dimapur-a tiamchin awm loa bandh huaihawt an tum chu an ṭhulh. 

PAC Convenor Vekhosayi Nyekha chuan bandh neih tur ṭhulh a nih chhan chu Durga puja atana inbuatsaihna a kal mek vang leh, Dimapur Depu­ty Commissioner-in an PAC thil phut, District Level Price Monitoring Committee (DLPMC) dinna tur thupek a tihchhuah vang tih a sawi. 

DLPMC din a nih dawn vang hian DC pawhin Public Action Committee hnenah an nawrh tum hi ṭhulh turin a ngen. Nyekha chuan DC-in sub-committee a dinin state chhung khawpui hrang hrang, district leh state danga thil man hrang hrang an lakkhawm, Dimapur district-a thil zawrhna man nena an khaikhinna report an thehluh hun chu an nghak dawn tih a sawi. Hemi hnu hian a ṭul angin hma an la chhunzawm zel dawn tih a sawi a ni.