AR-in Indo-Myanmar ramriah ruihhlo Rs vbc 28 hu man

Assam Rifles chuan kar kal ta Inrinni khan Manipur-a Indo-Myanmar ramriah ruihhlo, cheng vaibelchhe 28 hu an man. 

AR-te hian Moreh police station huamchhung, Tengnoupal district-a in pakhat an dapnaah ruihhlo tam tham tak hi an man a ni. Ruihhlo an man hi WY tablet 5,04,000, Crystal Ice Meth kg 15.269, Ketamine kg 2.206 leh Phensdyl bur 194 a ni. Heng bakah hian India pawisa Rs 74,150 leh Burma pawisa Kyat 49,000 an man tel bawk a ni. 

Ruihhlo an manna in neitu hi man nghalin, thu an zawhfiahnaah, heng ruihhlote hi Myanmar-a Tamu khuaa hmeichhe pahnih ta niin a sawi.