NPF-in iremna siamah flag leh constitution telh phut

Naga People's Party (NPF) hruaitu TR Zeliang chuan Naga political issue chungchanga inremna siamah Naga flag leh constitution telh ngei an phut tih a sawi. NFP hruaitu chuan sorkar laipui chuan hemi tel loa inremna siampui a tum tur a ni lo, a ti. 

Zeliang kaihhruai, NPF Legislature Party chuan an thil phut chungchang hi kar kal ta Inrnni khan Nagaland Governor RN Ravi hnenah an thlen a ni. Governor hnenah hian inremna tur siamfel a nih hmain, Naga group hrang hrangte chu biakrawn an ni tur a ni, tiin an sawi. "Inbiaknaah hian helpawl pakhat pawh hmaih an ni tur a ni lo," tiin, Naga hmalam hun tur a nih avangin telh vek an ni tur a ni tih a sawi. 

Inremna siam a nih thuai theihna turin theihtawpa sorkar an thawhpui zel tur thu eptu party chuan an sawi a, hemi rual hian inremna siam chu Naga mipuiten an pawm tlan theih vek a ni tur a ni, an ti. Governor pawhin eptu party-te thil phut hrang hrang chu ṭha taka lo ngaih­thlak sakin, inremna pawh siam fel a nih thuai a beisei thu a lo hrilh. Amah ngei pawhin NPF ang bawkin Naga mipuite ṭhatna tur leh an duhzawnga thiltih chu a duh tih a lo hrilh bawk.