IITG-in PCBA inremna siampui

Indian Institute of Technology, Guwahati (IITG) chuan Assam state-a khawpui lian pangaa boruak bawlhhlawh avanga harsatna awmte chinfel dan kawng zawnga thawk turin Pollution Control Board Assam (PCBA) chu memo­randum of understanding (MoU) a ziahpui. 

MoU hi Ministry of Environ­ment, Forest and Climate Change (MoEF&CC)-in Guhawati, Na­gaon, Nalbari, Sibsagar leh Silchar-a khawpui boruak bawlh­hlawh tihziaawmna tura National Clean Air Program (NCAP) a siam hnuaiah ziah a ni. 

Inremna an siamah hian IITG aiawhin Civil Engineering Department Prof Sharad Gokhale leh PCBA member secretary Dr DN Das-ten hming an ziak a ni. MoU an ziahin a tum ber chu heng khawpuiahte hian boruak bawlh­hlawh zel tur ven dan tur ruahmanna siam leh, kum 2024-ah khawpui chhunga PM 2.5 leh PM10 concentration chu 22%-30% a tihhniam te a tel. 

IITG hi technical partner a ni dawn a, PCBA-in air pollution chungchang a zirchianna hrang hrangah a pui ang.