Naupang mitdel/mit ṭha loten Tripura-a flyover hmasa ber hawng

Tripura-a flyover hma­sa ber chu Zirtawpni liam ta khan naupang mitdel/mit ṭha lo (Visually-impaired)-ten an hawng. Cheng vaibelchhe 300 senga siam flyover hi kum li zet siam a nih hnuah an zo fel a, km 2.3-a thui niin two lane a ni bawk. State khawpui Agartala-a Chowmuhani  Fire Brigade leh Arundha­tinagar Drop Gate inkalpawhna a ni a, Battala area a tantlang a ni.

Zirtawpni liam taa hawn a nihnaah hian minis­ter emaw legislator emaw hmuh tur an awm lo a, Tripura chief minister Biplab Deb erawh chuan twitter-ah an state-a mitdel naupangten Agartala Flyover an hawng tih erawh a ziak thung.

Public Works Depart­ment Executive Engineer Ratan Chowdhury chuan flyover an hawn thar hian tonne 70-a rit thleng load a la thei tih sawiin, eng lirthei tan pawh zawh theih a nih thu a sawi.